移民生活 ︳50歲前教師移英做超市執貨獲滿足感 入職兩周見盡職場冷暖

港人移民大多數難做回「老本行」，一位50歲前教師移民英國約兩個月，覓得一份超市執貨工作，分享當地職場所見所聞，短短兩周見盡兩地工作分別，並自知體力不及當地人，要將勤補拙努力工作，獲不少網民留言打氣加油。

同場加映：
管家王 ︳布簾遮光強但難打理 羅馬簾有層次但維修煩 專家拆解5種窗簾優劣

{{hket:ul-video id="6790"}}{{/hket:ul-video}}

該名前教師日前在facebook群組「香港人移民英國資訊分享」發文分享經歷，指自己移民英國約兩個半月，已在當地大型連鎖超市ASDA工作兩周，每周工作3至4日，同事相處融洽，但初入行難免有蝦碌事件，

「同事好肯問你做成點，講How are you就一定㗎啦！有個大我少少嘅同事就Day 2喺pantry撞過佢，見我新同事，同我打招呼。話有聽過同事講過我（可因為我返工第一日就打爛咗兩支Pimm's嘅酒，加埋4X鎊），同埋認得我，可能因為我係成間超市唯一一個亞洲人僱員啦。」

他又指自己在香港也甚至少行超市，形容超市貨品多，如同走入大海，「頭兩日有顧客問我啲貨喺邊，我真係一頭霧水。」幸好同事會互相幫助，他已漸漸熟習環境，能夠解答顧客查詢貨品的位置。

「真係唔知就問其他同事，『路在口邊，問題解決』。正如其中一個經理同我講：『No questions are silly questions!（沒有問題是蠢問題）』以前喺香港提出問題會俾人覺得煩同阻住人做嘢，呢度嘅人就截然不同。幫到同事，幫到自己，幫到公司建立形象。」

首周學執貨補貨

他指自己第一周主要學習執貨及從貨倉取貨，經理亦教他如何利用「Drinks」貨架頂行放「後備貨」，以便見現貨賣得七七八八，就盡快從頂行拿下補貨，現時更獲經理認同，放手讓他自行負責「Water」那一行，

「呢日放工前，個經理見我做到佢要求，同佢同行in我嗰個最大嘅manager（經理）講，我做得好好。」

事主感謝這位經理不時提點和鼓勵，也欣賞經理親力親為，做到大汗疊細汗，「我做細嘅點敢hea（懶散）呀！」他又形容這種經理「跟得過」，「你做唔啱要求，經理都會好nice提醒你，有講有笑！」

證明自身存在價值

對於現時的工作，事主認為工作環境簡單，做好本分便可，只是搬運的飲品非常重，容易受傷，故不時要提醒自己小心，避免弄傷，「呢度睇醫生，尤其跌打……係無！」事主也從中得到滿足感，認為經理的安排，證明了他的存在價值，也證明即使亞洲人身材較矮細，「辛勤一樣可以彌補先天體型不足」。

網民請教求職心得

帖文刊登後，不少網民留言鼓勵，有網民認為外國工作環境與文化與香港不同，重視人與人之間的溝通，「唔似得香港你死你事」。有人則竟認為港人適應力強，相信很容易融入當地生活和工作文化。

另有網民請教求職心得，指擔心年紀大較難搵工，也難以獲超市聘用，事主才透露自己50歲也獲聘用，「你覺得有冇問題？」他指求職面試時，經理曾問及曾否從事顧客服務工作，如有可分享經驗，他曾分享了與學生家長處理問題的方法。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】